الغريب المرة دى إنك متجوز و عندك أطفال .. و برضه مش بتفرق معاك , الظاهر إن دى هواية عند بعض الرجالة .
إدعاء الحرمان من الحب , ياحرام مراته مش فاهماه و مش حاسة بيه و مع ذلك فضل متجوزها طول المدة دى و خلف منها 3 .
و طبعا لما قابلنى حس إنه لقى حياته اللى مفتقدها و روحه اللى كان بيدور عليها لما لقانى , و لأنه متجوز فصعب إنه يرتبط بيا رسمى .. خلينا كده مؤقتا لحد مايقدر يواجه مراته ..فيلم عربى قديم و قصة ماسخة مستهلكة , و مع ذلك محدش بيفكر يغيرها ..كلهم بيستخدموا نفس السيناريو , نفس الحوار , نفس طريقة التمثيل , نفس تعبيرات الوجه , تبدأ القصة نفس البداية , وغالبا بتكون نفس النهاية .. و اللى يغيظ أكتر إن فيه بنات بتصدق الكلام الفارغ ده , أو يمكن بيمثلوا هما كمان دورهم بمنتهى الإتقان عشان الفيلم يستمر .
أنا شفت كتير جدا و عرفت ناس كتير من الممثلين دول , الأول كنت بتخدع و بصدق .. لكن بعد العمر ده كله مابقتش فيه حاجة بتأثر فيا , و لإنى متأكدة إن محدش بيقرا الكلام الفارغ اللى بكتبه ده فأنا هكتب كل اللى أنا عايزاه براحتى ..
و هحكى عن كل اللى عرفتهم و عذبونى فى حياتى و خلونى أتحول من البنت الجميلة الرقيقة اللى بتحب نفسها و حياتها و كل الناس , للإنسانة الفظيعة اللى بشوفها كل يوم فى المراية و بكرهها , الإنسانة اللى بقت تكره نفسها قبل ماتكره كل الناس .
حين يبأ العيد من الجيزة
قبل أسبوعين (2)
هناك تعليق واحد:
ههههه أول زياره ليه تبقي الموضوع ده حاجه غريبه بس صدقيني انا معجب بيكي من الموقف اللي انتي عارفاه وكويس ان لسه في بنات اذكيه المهم فعلا انك لازم تقولي علي كل اللي تعرفيه عشان نستفاد منه بس اللي انا مش معاكي فيه انك تتغيري وتبقي الانسانه الفظيعه اللي بتقولي عليها كان لازم تفلي زي ما انتي الانسانه اللي بتحب الدنيا كلها ومش معني اننا اتعرضنا لمواقف كتير صعبه اننا لازم نبقي وحشين عشان ونقول احنا بقينا كده عشان نواجه العالم الظالم ده لا لازم نكون زي ما احنا الناس الاخيار وصدقيني مش بقول كده منظره بس صدقيني الخير ديما هو اللي بيكسب انا اسف علي الاطاله انا انشاء الله هتابع معاكي انا اسف علي الاطاله
إرسال تعليق